ՌՈՒՍ ՀԱՅ
Քո կոկորդը քո ուժն է

Ֆարինգիտ

Ֆարինգիտը, որը կենցաղում անվանում են «կոկորդի ցավ», տարածված վարակ է, որով տարին մեկ անգամ հիվանդանում է մարդկանց մեծ մասը: Ֆարինգիտը կոկորդի լորձաթաղանթի բորբոքումն է:

Պատճառներ

Կոկորդի ցավի առաջացման բոլոր պատճառները կարելի է բաժանել վարակայինների և ոչ վարակայինների:

Ֆարինգիտի վարակային պատճառների թվին կարելի է դասել.

Վիրուսները

Մեծահասակների 50-95%-ի և երեխաների 70%-ի կոկորդի հիվանդությունները պայմանավորված են շնչառական վիրուսներով: Դրանք են ադենովիրուսները, գրիպի և մանկական հասակում հերպեսի վիրուսները:

Բակտերիաները

Վիրուսային վարակի ֆոնին, որպես կանոն, միանում է նաև բակտերիալ վարակը:

Սնկեր

Հնարավոր է կոկորդում սնկային գոյացությունների առաջացումը:

Ոչ վարակային պատճառների թվին կարելի է դասել.

Լորձաթաղանթի մեխանիկական, քիմիական կամ ջերմային գրգռվածությունները,

  • չափազանց սառը կամ տաք օդը,
  • աղտոտված օդը,
  • սառը ուտելիքն ու խմիչքները,
  • ծխախոտը,
  • գաստրոէզոֆագեալ ռեֆլյուքսը,
  • չոր կամ չափազանց խոնավ օդը:

Ուշադրություն՝

  • բերանով սառը օդը շնչելը,
  • մարմնի գերտաքացած վիճակում սառը խմիչքների օգտագործումը,
  • ջերմաստիճանների տատանումը (սառը և տաք օդ):

Այս ամենը մեծացնում է վարակի զարգացման հավանականությունը:

Ֆարինգիտի տեսակները

Տարբերում են սուր և քրոնիկ ֆարինգիտներ: Սուր ֆարինգիտը սովորաբար ուղղորդվում է վառ արտահայտված ախտանշաններով՝ ուժեղ ցավ կլման ժամանակ, ձայնի խզվածություն, լորձի արտադրում, կոկորդի սուր ցավեր:

Քրոնիկ ֆարինգիտի դեպքում հիվանդության ախտանշանները այդքան սուր չեն: Դրանք կարող են արտահայտվել կոկորդի չորությամբ կամ քերվելու զգացողությամբ, դիտվում է չոր տանջալից հազ: Սրացման ժամանակ քրոնիկ ֆարինգիտի ախտանշանները նմանվում են սուր տարատեսակի ախտանշաններին:

Krka, d. d.

Բոլոր իրավունքները պաշտպանված են Krka, tovarna zdravil, d. d., Novo mesto
Գովազդի թույլտվություն՝ N ԴԳ-00081, տրված 30 հոկտեմբեր 2018թ