Տոնզիլիտը, որը հաճախ անվանում են անգինա, քիմքային նշագեղձերի բորբոքումն է: Տոնզիլիտը առավել հաճախ առաջանում է վիրուսային կամ բակտերիալ վարակի հետևանքով: Սնկային վարակները կարող են ի հայտ գալ որպես հակաբիոտիկների կիրառմամբ իրականացված բուժման արդյունք:
Տոնզիլիտի տեսակները
Տարբերում են սուր և քրոնիկ տոնզիլիտ
Սուր տոնզիլիտը բնութագրվում է կոկորդի՝ հանկարծակի սկսվող և ուժգնացող ցավով, որը սովորաբար ուղեկցվում է բարձր ջերմությամբ:
Տոնզիլիտի ժամանակ նշագեղձերի մակերեսը կարող է ծածկվել վառ կարմիր կամ սպիտակամոխրագույն փառով: Հնարավոր է պարանոցի շրջանի ավշային հանգույցների մեծացում:
Քրոնիկ տոնզիլիտը քիմքային նշագեղձերի պարբերաբար կրկնվող բորբոքումն է: Սա բավական տարածված հիվանդություն է թե՛ մեծահասակների, թե՛ երեխաների շրջանում: Կրկնվող վարակները կարող են նշագեղձերի ծալքերում առաջացնել մանրէների մեծ կուտակումներ:
