ՌՈՒՍ ՀԱՅ
Քո կոկորդը քո ուժն է

Ի՞նչ է կոկորդի ցավը:

Վերին շնչուղիների վարակները (ՎՇՎ) ամենատարածված սուր վարակային հիվանդություններից են:

ՎՇՎ հիվանդությունները մեծահասակների մոտ հանդիպում են տարեկան միջինը 2-5, իսկ դպրոցական տարիքի երեխաների մոտ՝ 7-10 անգամ:

Վերին շնչուղիների վարակները կարող են հանգեցնել կոկորդի (ֆարինգիտ), ըմպանի ու ձայնալարերի (լարինգիտ) և մակկոկորդի (էպիգլոտիտ) բորբոքումների:

Կոկորդի ցավից հաճախ բողոքում են երեխաները (հղում երեխաների կոկորդի ցավի բաժնին), դեռահասներն ու մեծահասակները: Սա վերաբերում է կոկորդի հատվածում տեղայնացվող ցավագին զգացողություններին, ինչպես նաև կարող է լինել կոկորդի հետ անմիջապես կապ չունեցող ախտաբանական գործընթացի նշան (օրինակ՝ մրսածություն կամ գրիպ):

Հետաքրքիր փաստ:

Կոկորդի սուր ցավը թերապևտի կամ դեղագետի դիմելու ամենատարածված պատճառներից մեկն է: Այնուամենայնիվ, կոկորդի ցավից բողոքող մարդկանց մեծ մասը չի դիմում բժշկական օգնության:

Կոկորդը կամ, բժշկական լեզվով ասած, ըմպանը, վերին շնչուղիների մաս է կազմում:

Ըմպանը մարսողական խողովակի և շնչուղիների մի մաս է, որը միավորում է քթի և բերանի խոռոչները մեկ կողմից և կերակրափողն ու խռչակը՝ մյուս կողմից:

Դրա կարևորագույն հատվածը մակկոկորդն է, որը կանխում է կերակրի և հեղուկների թափանցումը շնչառական ուղիներ և թոքեր: Ըմպանը երկու համակարգերի մաս է կազմում՝ շնչառական (շնչելը) և մարսողական (կլման գործողություն): Այդ ընթացքում կերակուրը, հեղուկները և օդն անցնում են ըմպանով: Այսպես կոկորդը մասնակցում է կերակրի կլման, խոսելու և շնչառության գործընթացներին:

Ցավագին զգացողությունները հաճախ հանդիսանում են կոկորդի բորբոքման ախտանիշ: Ձայնի խզվածությունը կամ դրա կորուստը որպես կանոն կապված են կոկորդի բորբոքման հետ:

Krka, d. d.

Բոլոր իրավունքները պաշտպանված են Krka, tovarna zdravil, d. d., Novo mesto
Գովազդի թույլտվություն՝ N ԴԳ-00081, տրված 30 հոկտեմբեր 2018թ