Տոնզիլիտի (անգինա) պատճառները և ախտանշանները

Տոնզիլիտը կարող է առաջացնել սուր կոկորդի ցավ և կլման ակտի  դժվարություն: Խոսենք դրա մասին ավելի մանրամասն։

Ին՞չ է իրենից ներկայացնում տոնզիլիտը

Տոնզիլիտը նշագեղձերի  բորբոքումն է , կոկորդի հետևի մասում գտնվող երկու օվալաձև սիմետրիկ հյուսվածքային բարձիկներ՝ յուրաքանչյուր կողմում մեկական նշագեղձ։ Լատիներեն նշագեղձ բառը տոնզիլ է, այստեղից էլ հիվանդության անվանումը՝ տոնզիլիտ։

Նշագեղձերը լիմֆատիկ հյուսվածքի կուտակումն է: Նրանք մասնակցում են իմունիտետի ձևավորմանը և հակամարմիններ են արտադրում վարակի դեմ պայքարելու համար. Սա պաշտպանության առաջին գիծն է, երբ ներշնչելիս ներս են թափանցում պաթոգենները: Այնուամենայնիվ, նշագեղձերը նույնպես ենթարկվում են բակտերիաների կամ վիրուսների ազդեցությանը: Արդյունքում նրանք բորբոքվում են և  այտուցվում։

Տոնզիլիտի նշաններն ու ախտանշանները ներառում են նշագեղձերի բորբոքում, կոկորդի ցավ, կլման ակտի դժվարություն, պարանոցի ավշային հանգույցների այտուցվածություն և ցավ:

Տարբերում ենք տոնզիլիտի 3 տեսակ՝

• Սուր տոնզիլիտ – ախտանշանները սովորաբար տևում է 3-4 օր, բայց կարող են տևել մինչև 2 շաբաթ
• Կրկնվող տոնզիլիտ – կրկնվում է տարին մի քանի անգամ։
• Քրոնիկ տոնզիլիտ – առաջանում է ստրեպտոկոկային վարակի հետևանքով, երբ նշագեղձերում բորբոքային պրոցեսը պահպանվում է։

Մենք արդեն նկարագրել ենք տոնզիլիտի հիմնական ախտանշանները.

Ի՞նչ այլ ախտանշաններ կարող են առաջանալ:

• Բարձր ջերմություն, տենդ և դող։
• Կարմրած նշագեղձեր
• Սպիտակ կամ դեղին ծածկույթ նշագեղձերի վրա
• Գլխացավ
• Ախորժակի կորուստ
• Ականջի ցավ
• Բարանից տհաճ հոտ
• Պարանոցային մկանների կոշտացում

Ինչ՞ու է առաջանում տոնզիլիտը

Տոնզիլիտի պատճառն ամենից հաճախ վիրուսներն են, այնուամենայնիվ պատճառ կարող է հանդիսանալ նաև բակտերիալ վարակները: Քանի որ տոնզիլիտի ճիշտ բուժումը կախված է պատճառի տեսակից , կարևոր է ժամանակին և ճշգրիտ ախտորոշել հիվանդությունը։

Ամենատարածված բակտերիան, որն առաջացնում է տոնզիլիտ և կոկորդի ցավ, Streptococcus pyogenes-ն է (A խմբի ստրեպտոկոկ)։ Այնուամենայնիվ  ստեպտոկոկի այլ շտամներ նույնպես կարող են առաջացնել տոնզիլիտ:

Ստրեպտոկոկային տոնզիլիտը (առավել հաճախ կոչվում է անգինա) սովորաբար ունենում է ավելի ծանր ախտանշաններ՝ հանկարծակի կոկորդի ցավ և բարձր ջերմություն: Եթե ​​անգինան չի բուժվում կամ հակաբիոտիկների ամբողջական կուրս չի ընդունվում, այն կարող է վերածվել ավելի լուրջ հիվանդությունների (օրինակ՝ ռևմատիկ տենդ, երիկամների բորբոքում, հետստրեպտոկոկային ռեակտիվ արթրիտ և այլն):

Տնային միջոցներ տոնզիլիտի դեմ

Եկեք կողմնորոշվենք, թե ինչպես Դուք կարող եք ինքներդ ձեզ օգնել տանը, անկախ նրանից  տոնզիլիտը վիրուսային թե  բակտերիալ ծագում ունի։

Եթե ​​տոնզիլիտի պատճառը վիրուս է, բժիշկը հակաբիոտիկներ չի նշանակի, ուստի կա մի քանի տնային միջոցներ, որոնք կարող են օգնել ձեզ վերականգնել ուժերը և պայքարել վարակի դեմ:

• Ավելի շատ հանգստացեք և քնեք՝ առաջին և լավագույն տնային միջոցը հիվանդության դեմ։
• Խմեք շատ հեղուկներ՝ շատ կարևոր է  պահպանել օրգանիզմի ջրային բալանսը:
• Խուսափեք սնունդից և հեղուկներից, որոնք էլ ավելի կարող են  գրգռել ձեր կոկորդը: Հեղուկները, ինչպիսիք են արգանակը, թեյը կամ տաք ջուրը, կարող են հանգստացնել կոկորդի ցավը:
• Եթե սենյակի օդը չոր է, կոկորդն էլ ավելի է տուժում, ուստի սենյակը խոնավ պահելու համար կարող եք խոնավացուցիչ օգտագործել:
• Խուսափեք գրգռիչներից։ Թույլ մի տվեք տանը ծխել և մի օգտագործեք քիմիական մաքրող միջոցներ, որոնք կարող են ավելի գրգռել կոկորդը։
• Ախտանշանները (ցավը, գրգռվածությունը և բորբոքումը) թեթևացնելու համար օգտագործեք առանց դեղատոմսի դեղամիջոցներ՝ լոզաններ կամ սփրեյներ: Իմացեք այստեղ[MH1] , թե ինչպես կարող է օգնել ձեզ Սեպտոլետե տոտալը:

Վերոհիշյալ բոլոր միջոցները կօգնեն նաև բակտերիալ վարակի դեպքում։Բացի այդ, բժիշկը կնշանակի հակաբիոտիկների կուրս, որը պետք է ընդունվի այնքան ժամանակ, որքան նշանակված է, նույնիսկ եթե կուրսի ավարտից առաջ արդեն  ձեզ լավ եք զգում:

Երբեմն քրոնիկ տոնզիլիտը պահանջում է վիրահատություն: Նշագեղձերը դառնում են քրոնիկական վարակի օջախ, ինչը հանգեցնում է իմունիտետի նվազման և հաճախակի շնչառական հիվանդությունների առաջացման։  Վիրահատության անհրաժեշտությունը որոշում է բժիշկը։